Москва, Урыстәылатәи Афедерациа Адәныҟатәи аусқәа рминистрраҟны имҩаԥысыз Урыстәылатәи Афедерациа Адәныҟатәи аусқәа рминистр ихаҭыԥуаҩ Григори Карасини Аԥсны Аҳәынҭқарра Адәныҟатәи аусқәа рминистр Даур Ақаҩбеи реиԥылараан ирылацәажәеит атәылақәа рыҩба реизыҟазаашьақәа рырҭбаара азҵаарақәа.

Аганқәа рылацәажәеит ԥхьаҟатәи русеицуреи реинырреи, еиуеиԥшым аусурақәа рҟны хырхарҭақәаны ишьақәдыргыло ртәы.

Адиалог иаанарԥшит аганқәа рыҩбагьы излацәажәоз апроблемақәа рганахь ала ргәаанагарақәа реиԥшызаара, ганрацәала русеицуразы агәазыҳәара амазаара.

Аԥсны Аҳәынҭқарра Адәныҟатәи аусқәа рминистр Даур Ақаҩба иазгәеиҭеит аиԥылара атмосфера ԥха аҵаны, аконструктивтә ҟазшьа аманы ишымҩаԥысыз.