Аԥсны адәныҟатәи аусқәа рминистр Инал Арӡынба Шьамтәылатәи Арабтә республика даҭааит жәларбжьаратәии аԥсны-шьамтәылатә еизыҟазаашьақәеи рызҵаарақәа рылацәажәаразы ҳәа аанацҳауеит аусбарҭа апресс-маҵзура. 

Аԥсны адәныҟатәи аусқәа рминистр Инал Арӡынбеи Шьамтәыла атәылахьчара аминистрра абригадатә еинралцәеи Дамаск игылоу Идырым асолдаҭ ибаҟахьы инеиит атәыла ахақәиҭра зхы ақәызҵаз афырхацәа ргәаладыршәарц. 

Аминистр иара убасгьы Шьамтәылатәи Арабтә республика Ахьӡ-аԥша амузеи аҟны Агәалашәаратә шәҟәы аҿы анҵамҭа ҟаиҵеит.