Агәраргагатә шәҟәқәа

Аофициалтә документ, адипломатиатә хаҭарнак (ацҳаражәҳәаҩ ма аҳәынҭқарратә делегациа ҷыда ахада) изинмчра шьақәзырӷәӷәо.

Аԥсны Аҳәынҭқарра Агәраргагатә шәҟәқәа официалтә документқәоуп, аформат А3 арҽра (абуклет) аформала еиҿкаауп, аҳәынҭқарра ахада инапы рыҵаҩуп, Аԥсны Аҳәынҭқарра адәныҟатәи аусқәа рминистр имҳәыр раархоуп.

Агәраргагатә шәҟәқәа  ртекст аҿы иаҳәоит адипломатиатә хаҭарнак дназышьҭыз аҳәынҭқарра ахада ихьӡала ақәгылара азин шимоу; атәыла анапхгара рыхьӡала ииҳәо зегь агәрахаҵара шауа.

Агәраргагатә шәҟәқәа рыҭара ацеремониа хдыркәшоит адипломатиатә хаҭарнак дахьнеиз атәылаҿы официалла аккредитациа изура апроцедурала.

Ацҳаражәҳәаҩ иԥсадгьыл ахь даныхынҳәуа иара ишьҭрақәлаҩ аамҭакала игәраргагатә шәҟәқәа ирыцны инеигоит  иаԥхьанатәтә хаҿы шьҭахьҟа иргьыжьразы ашәҟәқәа.