Ажәабжь ҿыцқәа
Апарламент аҿаԥхьа есышықәсатәи анашьҭымҭа ҟаҵо Қырҭтәыла ахада лықәгылараан илҳәеит Аԥсни Аахыҵ Уаԥстәылеи рганахь ала Қырҭтәыла «акрызҵазкуа аҭынчратә шьаҿақәа ҟанаҵоит» ҳәа. Иара убасгьы Саломе Зурабишвили илҳәеит «аоккупациа зызуу аҵакырадгьылқәа рганахь ала акрызҵазкуа ашьаҿақәа ҟаҳҵахьеит, аха еиҳа инарҭбаау аполитика амҩаԥгара ҳҽазыҟаҳҵароуп» ҳәа.
Хәажәкыра 5 рзы Адәныҟатәи Аусқәа рминистр Даур Ақаҩба аԥсны иҟоу Урыстәылатәи Афедерациа ацҳаражәҳәаҩ Алексеи Двинианин имшира идиныҳәалеит.
Хәажәкыра 3 рзы Аԥсны Аҳәынҭқарра Адәныҟатәи Аусқәа рминистрраҿы Адәныҟатәи Аусқәа рминистр Даур Ақаҩба иеиҳабыратәым аиҿкаарақәа рхадацәа дырԥылеит.
Жәабран 26 рзы Стампыл ақалақь аҿы апартиа «Ватан» аофис аҟны имҩаԥысит Ҭырқәтәылатәи Ареспубликаҿы иҟоу Аԥсны Аҳәынҭқарра Ахаҭарнакра ахаҭарнакцәеи Аԥсны Жәлар реизара адепутатцәа А. Логәуеи, Н. Смыри, В. Бебиеи апартиа «Ватан» ахантәаҩы Догу Перенчеки реиԥылара.
26.02.2020 1092
Атәылақәа жәпак рҟны акоронавирустә инфекциа (COVID-19) зыхьыз рхыԥхьаӡара ахьырацәахаз инадҳәаланы Аԥсны Адәныҟатәи аусқәа рминистрра ареспублика ауааԥсыра рахь ааԥхьара ҟанаҵоит ари ачымазара ахьазгәаҭо атәылақәа рҭаара ԥыркырц.
Аԥсны Адәныҟатәи аусқәа рминистрра адныҳәаларатә шәҟәы азынанашьҭит Ареспублика Арцах Адәныҟатәи аусқәа рминистрра, ареспублика Аиҭаҿиара амш инадҳәаланы.
Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистр Сергеи Лавров адныҳәалара изынаишьҭит.
Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Приднестровие Молдавиатәи ареспублика Адәныҟатәи Аусқәа рминистр Витали Игнатьев адныҳәалара изынаишьҭит.
Аԥсны Аҳәынҭқарра Адәныҟатәи аусқәа рминистр Даур Ақаҩба Урыстәылатәи Афедерациаҟны иҟоу Аԥсны Аҳәынҭқарра Азинмчра нагӡа змоу Ацҳаражәҳәаҩ Игор Ахба имшира идиныҳәалеит.
25.01.2020 1039
Ҭырқәтәылатәи Ареспубликаҟны иҟоу Аԥсны Аҳәынҭқарра Ахаҭарнакра адыррақәа рыла иҭахази ахәрақәа змоуи рыгәҭа аԥсуа-адыга диаспора иаҵанакуа аӡәгьы дыҟам.
Аԥсны Адәныҟатәи аусқәа рминистрра адышшыларатә шәҟәы нанашьҭит Ҭырқәтәыла Ареспублика Адәныҟатәи аусқәа рминистррахь ахәаша, ажьырныҳәа 24 рзы апровинциқәа Манисеи Елазыги рҟны аԥсыҭбарақәа ацны иҟалаз адгьылҵысра инадҳәаланы.
Аԥсны Адәныҟатәи аусқәа рминистр Даур Ақаҩба сергеи Лавров Урыстәыла Адәныҟатәи аусқәа рминистрс еиҭаҟалара идиныҳәалеит.
22.01.2020 736
Ажьырныҳәа 22, 2020 шықәса рзы иҵит 27 шықәса «Аԥсны Аҳәынҭқарреи Приднестровиатәи Молдавиатәи Ареспубликеи рыбжьара аиҩызареи аусеицуреи рзы Аиқәшаҳаҭра» анапы аҵаҩуижьҭеи.
Аԥсны Адәныҟатәи аусқәа рминистр Даур Ақаҩба ажьырныҳәа 21 рзы Москва диԥылеит Урыстәыла адәныҟатәи аусқәа рминистр ихаҭыԥуаҩ Андреи Руденко.
Аԥсны Адәныҟатәи аусқәа рминистр Даур Ақаҩба Аԥсны иҟоу Молдавиатәи Приднестровиатәи ареспублика Ахаҭарнакра ахада Гарри Кәыпалба идиныҳәалеит Аԥсны иҟоу Молдавиатәи Приднестровиатәи ареспублика Ахаҭарнакра шьаҭаркуижьҭеи 13-шықәса аҵра.
Аԥсны Адәныҟатәи аусқәа рминистрра азхьаԥшра анаҭеит ақырҭуа маҵзурауаа Аԥсни Қырҭтәылеи рыбжьара адиалог хацырктәуп ҳәа Аԥсны ауаажәларра-политикатә усзуҩцәа иҟарҵаз ажәадгалақәа ирзаадырԥшыз ареакциақәа.
Ажьырныҳәа 15 рзы Аԥсны иҟоу Урыстәыла ацҳаражәҳәаҩ Алексеи Двинианин Аԥсны адәныҟатәи аусқәа рминистр инапынҵақәа назыгӡо Даур Ақаҩба диирдырит Аԥсны иҟоу Урыстәыла Ацҳаражәҳәарҭа абжьгаҩ ҿыц - Максим Литвинов.
Аԥсны Адәныҟатәи аусқәа рминистр Даур Ақаҩба Приднестровиа Молдавиатәи Ареспублика Адәныҟатәи аусқәа рминистр Витали Игнатьев аконституциа амш идиныҳәалеит.
Аԥсны Адәныҟатәи аусқәа рминистрра адныҳәаларатә нота нанашьҭит Ареспублика Науру Адәныҟатәи аусқәеиахәаахәҭреи Рдепартамент ахь адипломатиатә еизыҟазаашьақәа рышьақәгылара жәа-шықәса рхыҵра инамаданы