Хәажәкыра 8 азы Урыстәылатәи Афедерациа иҟоу Аԥсны Аҳәынҭқарра Ацҳаражәҳәарҭа абжьгаҩ Кан Ҭаниа имҩаԥигеит Италиа ауаажәларра рхаҭарнакцәа онлаин-формат ала рԥылара. Аиԥылара иара убасгьы далахәын Аҟәа ақалақьтә еизара ахантәаҩы Дмитри Осиа.

Онлаин аҳәаақәа ирҭагӡаны – аиԥылара Аԥкаанҵа азырхиан (Аҟәатәи ақалақьтә еизареи, Италиа иҟоу Аԥсны Аҳәынҭқарра адипломатиатә хаҭарнакреи, аполитикатә партиа "Insieme Liberi" апресс-маӡаныҟәгаҩи, Триеста амуниципалитет аиҵара рхеилак адепутати, аполитикатә партиа "Vita" ахантәаҩи, Италиатәи Ареспублика Апарламент ԥыхьатәи адепутати рыбжьара аиҩызареи аилибакаареи рзы Амеморандум).

Анапы зҵарҩыз аусшәҟәы аԥснытәи ақалақьтә хеилаки Триестеи рыбжьара акультуратә еимадарақәа азыԥхьагәанаҭоит.

Кан Ҭаниа иара убасгьы далацәажәеит Аԥсны Аҳәынҭқарра ахада иалхрақәа шымҩаԥысыз атәы. «Ҳтәыла алхрақәа рԥышәара бзиаӡаны иахнагеит, иаанарԥшит адемократиатә ҟәыӷара аҩӡара аҟынӡа ишнеиз» ҳәа азгәеиҭеит адипломат аиԥылараҿы.