Шьамтәылатәи Арабтә республикаҿы иҟоу Аисламтә Республика Пакистан азинмчнагӡеи анапынҵа ҷыдақәеи змоу ацҳаражәҳәаҩ Шахид Ахтар инаԥхьарала Шьамтәылатәи Арабтә республикаҿы иҟоу Аԥсны Аҳәынҭқарра азинмчнагӡеи анапынҵа ҷыдақәеи змоу ацҳаражәҳәаҩ Мухаммад Али далахәын ақалақь Хомс Аисламтә Республика Пакистан аҳаҭыртә Консулра аартра.

Мухаммад Али Аисламтә Республика Пакистан аҳаҭыртә консул Лабиб Аль-Ихван изеиӷьеишьеит иусураҿы ақәҿиарақәа, ииҭеит Шьамтәылатәи Арабтә республикаҿы иҟоу Аԥсны Аҳәынҭқарра Ацҳаражәҳәарҭа ахьӡала аҳамҭа.

Ауснагӡатә иалахәын: Хомс агубернатор Намир Махлуф, Арабтә социалисттә партиа "Баас" Хомс иҟоу аҟәша анапхгаҩы Омар Хоуриа, Адәныҟатәи аусқәа рминистрра ахаҭарнак Таммам Сулеиман.