Шьамтәыла иҟоу Аԥсны ацҳаражәҳәаҩ Муҳаммад Али Шьамтәыла иҟоу Урыстәыла ацҳаражәҳәаҩ Алеқсандр Ефимов диԥылеит

Шьамтәыла иҟоу Аԥсны ацҳаражәҳәаҩ Муҳаммад Али Шьамтәыла иҟоу Урыстәыла ацҳаражәҳәаҩ Алеқсандр Ефимов диԥылеит
13 June 2024 58

Шьамтәыла иҟоу Аԥсны ацҳаражәҳәаҩ Муҳаммад Али Урыстәылатәи Афедерациеи Шьамтәылатәи Арабтә Республикеи реизыҟазаашьақәа рырҿиара азы аҷыдалкаатә зинмчы змоу Урыстәыла Ахада ихаҭарнак, Шьамтәыла иҟоу Урыстәыла ацҳаражәҳәаҩ Алеқсандр Ефимов диԥылеит.

Аиԥылара аҿы Муҳаммад Али Алеқсандр Ефимов Урыстәыла Амш идиныҳәалеит, урыстәылатәи ажәлар аҭынчреи аҭышәынтәалареи аизҳазыӷьареи, иҿыцу аиааирақәеи аихьӡарақәеи рзеиӷьаишьеит, ҳәа адырра ҟанаҵоит Аԥсны адәныҟатәи аусқәа Рминистрра апресс-маҵзура.

Аԥсны ацҳаражәҳәаҩ иара убас Аԥсны Аҳәынҭқарреи Урыстәылатәи Афедерациеи аиашьаратә еимадареи аиҩызареи агәреибагареи рыбжьоуп ҳәа иазгәеиҭеит.

Алеқсандр Ефимов, ахәҭаахьала, аԥсны-урыстәылатәи аизыҟазаашьақәа ирыҵоу аҵакы ахадара ҷыдала иазгәеиҭеит, убри аан иара Шьамтәылатәи Арабтә Республика аҿы иҟоу аԥснытәи адипломатиатә миссиа иаҭаххоны иҟалар, ацхыраареи адгылареи рыҭара дазхиоуп ҳәа инаҵшьны иазгәеиҭеит.

X

Форма обратной связи

ФИО:
E-MAIL:
Телефон:
Ваше сообщение: