Приднестровиатәи Молдавиатәи Ареспублика адәныҟатәи аусқәа рминистрраҿы имҩаԥысит ПМР адәныҟатәи аусқәа рминистр Витали Игнатиеви ПМР иҟоу Аԥсны Аҳәынҭқарра адәныҟатәи аусқәа рминистрра ахаҭарнак Александр Ватамани реиԥылара.

Аиԥылара аартуа, ПМР адәныҟатәи аусқәа рминистр иахьатәи аҭагылазаашьаҿы Приднестровиатәи Молдавиатәи Ареспубликеи Аԥсны Аҳәынҭқарреи ирыбжьоу аҩганктәи аизыҟазаашьақәа рыхьчара аҵак ду шамоу азгәеиҭеит.

Приднестровиатәи Молдавиатәи Ареспублика иҟоу Аԥсны Аҳәынҭқарра адәныҟатәи аусқәа рминистрра азинмчы змоу ахаҭарнак Аԥсны Аҳәынҭқарра анапхгара рыхьӡала Приднестровие анапхгара иконструктивтәу русеицуразы ҭабуп ҳәа реиҳәеит.

Витали Игнатиев ҭабуп ҳәа рхиҳәааит Аԥсны анапхгара аҟынтәи инашьҭыз гәык-ԥсыкалатәи азеиӷьашьарақәа, иара убасгьы аиашьаратә тәылақәа рыбжьара аҳәынҭқаррабжьаратә еизыҟазаашьақәа аринахысгьы рыҿиаразы Приднестровие агәацԥыҳәара ӷәӷәа шамоу шьақәирӷәӷәеит.

Аԥснытәи адипломат Аԥсны Аҳәынҭқаррахь усуратә визитла иҟазаара алҵшәақәа ртәы еиҭеиҳәеит. Александр Ватаман ҷыдала инаҵшьны иазгәеиҭеит хырхарҭа рацәала Приднестровиеи аус ацура аганахь ала Аԥсны иамоу хымԥадатәи агәазыҳәара. Иҟоу аҭагылазаашьаҿы, аҳәынҭқарратә усбарҭақәа реинырра зегь раԥхьаӡа иргыланы аԥыжәара рыманы иаанхоит.

Аиҿцәажәараан аганқәа ПМР адәныҟатәи аусқәа рминистрреи Приднестровиа иҟоу Аԥсны Аҳәынҭқарра Аофициалтә хаҭарнакреи рыбжьара аусеицура иахьатәи аиҿкааратәи аҵакытәи аспектқәа алыркааит, иазыԥхьагәаҭоу аусмҩаԥгатәқәа рынагӡаразы.

Аиԥылара ахыркәшамҭаз, адипломатцәа Аԥсны-Приднестровиатәи амшхәаԥштә зҵаарақәа рспектр зегьы азы иааиԥмырҟьаӡакәа аимадара рыбжьаҵазарц еиқәшаҳаҭхеит.