2025 шықәса нанҳәа 15 азы, Сҭамԥыл, Ҭырқәтәыла иҟоу Аԥсны Аҳәынҭқарра азинмчы змоу Ахаҭарнакраҿы Аԥсны ахаҭарнак Ибраҳим Аҩӡбеи Сҭамԥыл иҟоу Урыстәылатәи Афедерациа аконсул Хада Андреи Буравови реиԥылара мҩаԥысит. 

Аиԥылара, иара убас, азинмчы змоу Ахаҭарнакра абжьгаҩ Џьансыхә Лазбеи апротокол азҵаарақәа рзы аконсул Хада ицхырааҩ Фиодор Зезиулини рхы аладырхәит. 

Аиԥылара аҳәаақәа ирҭагӡаны, аҩганктәи амшхәаԥштә иаҵанакуа азҵаарақәа жәпакы ирылацәажәан, иара убас, аҩганкгьы зинтерес рымоу арегионалтәи адунеизегьтәи актуалтә зҵаарақәа ирылацәажәеит.

Ирылацәажәеит асоциалтәи агуманитартәи хырхарҭақәа рҿы аусеицура азҵаарақәа, иара убас анотариалтә ҟазшьа змоу азҵаарақәа. 

Аиԥылара аԥсуа-аурыс еизыҟазаашьақәа рзы итрадициатәу аиҩызаратәи агәреибагаратәи ҟазшьа змоу аԥхарратә ҭагылазаашьала имҩаԥысит. Адипломатцәа еиқәшаҳаҭхеит аҩганктәи аизыҟазаашьақәа рыҿиаразы иааиԥмырҟьаӡакәа аимадара рыбжьарҵарц.