Ԥхынгәы 26 азы Ареспублика Никарагуа Адәныҟатәи аусқәа рминистрра анаԥхьарала Ареспублика Никарагуа иҟоу Аԥсны аҷыдалкаатәи азинмчи змоу ацҳаражәҳәаҩ Инар Ладариа Акоманданте Фидель Кастро дзаԥхьагылаз Монкада аказармақәа ржәылара 69-шықәса ахыҵра ауснагӡатә далахәын. Ари ажәылароуп Кәыбатәи ареволиуциа шьаҭаны иазыҟалаз.

Ауснагӡатә аҳәаақәа ирҭагӡаны Ареспублика Никарагуа иҟоу Аԥсны аҷыдалкаатәи азинмчи змоу ацҳаражәҳәаҩ Инар Ладариа диԥылеит Ареспублика Никарагуа Адәныҟатәи аусқәа рминистр, Ареспублика Никарагуа анапхгареи хаҭала иареи рыхьӡала Аԥсны Адәныҟатәи аусқәа рминистр Инал Арӡынба имшираз адныҳәалара изааишьҭит.

Ауснагӡатә иалахәын Ареспублика Никарагуа аиҳабыреи адипломатиатә корпуси рхаҭарнакцәа.