Никарагуа Ареспубликаҿы Аԥсны Аҳәынҭқарра ацҳаражәҳәаҩ Алиас Аибеи абжьгаҩ-ацҳаражәҳәаҩ Наур Хышбеи Манагуа иҟоу Боливариантәи Ареспублика Венесуела Ацҳаражәҳәарҭа иаҭааит.

Аԥснытәи адипломатцәа рашәара 24 рзы Венесуела иҟалаз адгьылҵысра бааԥс инамаданы иаартыз адышшыларатә шәҟәаҿы анҵамҭа аанрыжьит.

Анҵамҭа атекст аҿы Боливариантәи Ареспублика Венесуела ажәлари Аиҳабыреи гәалсра дула ирыдышшылоит, иҭахаз рҭаацәарақәеи рҭынхацәеи гәык-ԥсыкала ишрыдгылоу атәы ҳәоуп, иара убас аԥсабаратә рыцҳара иахҟьаны ааха зауз зегьы иаарласны ргәабзиара шьақәгыларц азеиӷьашьарақәа рыҭоуп.