Шьамтәыла иҟоу Аԥсны Ацҳаражәҳәарҭа аԥсуа-адыга диаспора аҟынтәи ашколхәыҷқәа рзы агәыҳалалратә усмҩаԥгатә мҩаԥнагеит

Шьамтәыла иҟоу Аԥсны Ацҳаражәҳәарҭа аԥсуа-адыга диаспора аҟынтәи ашколхәыҷқәа рзы агәыҳалалратә усмҩаԥгатә мҩаԥнагеит
6 September 2024 142

Шьамтәыла иҟоу Аԥсны Ацҳаражәҳәарҭа аԥсуа-адыга диаспора аҟынтәи ашколхәыҷқәа рзы агәыҳалалратә усмҩаԥгатә мҩаԥнагеит. Кудсиа араион аҿы аҵарашықәс ҿыц алагамҭазы, алагарҭатәи аҽазыҟаҵаратәи аклассқәа рҿы итәоу 150-ҩык ахәыҷқәа ашколтә маҭәахәқәа рыҭан. Аԥсны ацҳаражәҳәаҩ Муҳаммад Али ахәыҷқәа рҵараҿы ақәҿиарақәеи аихьӡарақәеи рзеиӷьеишьеит.

Шьамтәыла иҟоу Аԥсны Ацҳаражәҳәарҭа ахаҭарнакцәеи аԥсуа-адыга диаспора ахаҭарнакцәеи еиԥылеит Дамаск, Ачерқьес гәыҳалалратә еилазаара аштаб-квартираҿ. Аиԥылара далахәын еицырдыруа артистка, ЕАР ацҳаражәҳәаҩ Муна Вассеф.

Аԥсны ацҳаражәҳәаҩ Муҳаммад Али ҭабуп ҳәа реиҳәеит Ачерқьес гәыҳалалратә еилазаара ахантәаҩы адоктор Гассан Шора, адиректорцәа Рхеилак алахәылацәа.

Ауснагӡатә еиҿкаан Шьамтәыла иҟоу Аԥсны ацҳаражәҳәаҩ Мухаммада Алии Ацҳаражәҳәарҭа абжьгаҩ Гаиса Аль-Харки раԥшьгамҭала.

Аусмҩаԥгатә хыркәшан адиаспора аҟынтәи астудентцәа рықәгыларала, урҭ амилаҭтә кәашарақәа нарыгӡеит.

X

Форма обратной связи

ФИО:
E-MAIL:
Телефон:
Ваше сообщение: