Жьҭаарамза 24 рзы Боливариантәи Ареспублика Венесуела иҟоу Аԥсны Аҳәынҭқарра аҷыдалкаатә напынҵақәеи азинмчнагӡеи змоу ацҳаражәҳәаҩ Заур Ӷәаџьаа, Венесуела иҟоу Урыстәыла аҷыдалкаатә напынҵақәеи азинмчнагӡеи змоу ацҳаражәҳәаҩ Сергеи Мелик-Багдсаров иҟаиҵаз ааԥхьарала, абарельеф “Циолковски К.З., Королев С.П., Гагарин Иу.А.” аартраз аныҳәатә церемониа ихы алаирхәит.

Венесуела Арбџьармчқәа иртәу Амилаҭ-експерименталтә политехникатә Университет аԥҵара 25 шықәса ахыҵра инамадани адунеи аҿы раԥхьатәи акосмонавт Иури Гагарин иира 90 шықәса ахыҵра иазкни ауниверситет аҿы иаартуп Урыстәылатәи аган Ауниверситет азы ҳамҭас иҟанаҵаз абарельеф “Циолковски К.З., Королев С.П., Гагарин Иу.А.”.

Ацеремониаҿы иқәгылеит Венесуела иҟоу Урыстәыла ацҳаражәҳәаҩ Сергеи Мелик-Багдасаров, ауниверситет аректор, аинрал-маиор Рикардо Никодемо Рамос.

Аусмҩаԥгатә Венесуела иҟоу Урыстәылатәи Афедерациа Ацҳаражәҳәарҭа еиҿнакааит ауниверситет арҵаҩцәеи астудентцәеи рыцхыраарала.