Женеватәи аиҿцәажәарақәа рыцхантәаҩцәа ирԥылеит

Женеватәи аиҿцәажәарақәа рыцхантәаҩцәа ирԥылеит
13 June 2024 64

Рашәара 12, 2024 шықәсазы Аԥсны Адәныҟатәи аусқәа рминистрраҟны имҩаԥысит Аԥсны Адәныҟатәи аусқәа рминистр инапынҵақәа назыгӡо Одиссеи Бигәааи Женеватәи аиҿцәажәарақәа рыцхантәаҩцәа–Аахыҵ Кавказ аҿы Евроеидгыла ахаҭарнак ҷыда Таиво Клаари, ЕАР ахаҭарнак Џьихан Султаноглуи, ОБСЕ ахаҭарнак Виорел Мошануи рԥылара.

Аԥснытәи аган ахь ала аиԥылара иалахәын: Аԥсны АШәМ ахантәаҩ ихаҭыԥуаҩ Заал Хәарцкьиа, Женеватәи аиҿцәажәарақәа рлахәылацәа, Аԥсны ААР ахаҭарнакцәа Лаша Аҩӡба, Артур Гагәылиа.

Аконсультациақәа иртема хаданы иҟан изаамҭанытәиу женеватәи аиҿцәажәарақәа 61 –тәи рраунд амҩаԥгареи ари аформат ала ԥхьаҟагьы аусура ацашьеи.

Ирылацәажәан арегион аҿы аҭынчреи аҭышәынтәалареи рызҵаарақәа, агуманитартә зҵаарақәа, иара убасгьы егьырҭ актуалтә зҵаарақәа жәпакы.

Аиԥылара аҳәаақәа ирҭагӡаны имҩаԥысит Женеватәи аиҿцәажәарақәа ирыхәҭаку Гал ақалақь аҿы аидысларақәа разԥхьагәаҭареи раԥырҟәҟәаареи рзы ақырҭуа-аԥсуа механизм (МПРИ) аформат аусура алагара алацәажәара.

Иара убасгьы ирылацәажәан аполитикатәии агуманитартәии ҟазшьақәа змоу апроблемақәа.

Жәларбжьаратәи Женеватәи аиҿцәажәарақәа 61- тәи рраунд амҩаԥгара азыԥхьагәаҭоуп 2024 шықәса, рашәара 25-26 рзы.

X

Форма обратной связи

ФИО:
E-MAIL:
Телефон:
Ваше сообщение: