Аԥсны Аҳәынҭқарра Адәныҟатәи аусқәа рминистр Олег Барцыц Аахыҵ Уаԥстәыла Адәныҟатәи аусқәа рминистр Ахсар Џьиоев Адәныҟатәи аусқәа рминистрс иҟаҵара идиныҳәалеит.
Адныҳәаларатә шәҟәы аҿы иазгәаҭоуп:
«Ас еиԥш аҭакԥхықәра зцу аҳәынҭқарратә маҵураҭыԥ ахь шәеиҭанашьҭра Ареспублика анапхгара рганахьынтә шәзанааҭтәи шәхаҭалатә ҟазшьақәеи рыгәрагара аҩаӡара шыҳараку, ахәшьара шамоу арҵабыргуеит.
Аԥсны Аҳәынҭқарреи Аахыҵ Уаԥстәылатәи Ареспубликеи рыбжьара аиашьаратә еизыҟазаашьа ӷәӷәақәа традициала иҳараку аҩаӡараҿы иаанхоит, уи ус шакәу шаҳаҭра ауеит Аԥсны Адәныҟатәи аусқәа рминистрра аделегациа усуратә ҟазшьала шәтәылаҿ ҳаҟазаараан аҭыԥ змаз ҳаинырра аҩаӡара.
Убри инаваргыланы, апатуеиқәҵареи, аилибакаареи, агәреибагареи рышьаҭа ӷәӷәа ҵаҵӷәыс измоу ҩ-ганктәи аԥсуа-аахыҵ уаԥстәылатәи еидгылареи аиашьареи аринахысгьы ишыӷәӷәахо ҩашьарада агәра хасҵоит».
Олег Барцыц Ахсар Џьиоев изеиӷьеишьеит аманшәалареи аҭакԥхықәра зцу амаҵураҟны ақәҿиарақәеи.