Аԥсны Адәныҟатәи аусқәа рминистр Даур Ақаҩба Аԥсны иҟоу Аахыҵ Уаԥстәыла ацҳаражәҳәаҩ Олег Боциев имшира идиныҳәалеит.
Адныҳәалараҿы иаҳәоит:
«Аԥсны Аҳәынҭқарраҟны Аахыҵ Уаԥстәыла азинмчнагӡа змоу цҳаражәҳәаҩык иҳасаб ала шәусура аҳәынҭқаррақәа рыҩба рыбжьара аусеицура амҩаԥгараҿы аҵак ду аманы иҟоуп.
Иахьа, адунеи ауадаҩра дуқәа аԥхьа ианышьҭоу, ҳтәылақәа реизыҟазаашьа иҷыдоу аҭыԥ ннакылоит. Агәра згоит шәусура ԥхьаҟагьы аиашьаратә жәларқәа реиҩызара аҿиаразы хра аманы ишыҟало».