Боливариантәи Ареспублика Венесуела адәныҟатәи аусқәа рминистр Иван Хиль Олег Барцыц Аԥсны Аҳәынҭқарра адәныҟатәи аусқәа рминистрс иҟалара идиныҳәалеит.
Адныҳәалараҿы иазгәаҭоуп:
“Сара, ажәлар рыхьӡала, Боливариантәи Ареспублика Венесуела Аиҳабыра рыхьӡала, хаҭала сыхьӡала гәык-ԥсык ала ишәыдысныҳәалоит Аԥсны адәныҟатәи аусқәа рминистрс шәыҟазаара, иара убасгьы аҭакԥхықәра ду зцу шәусураҿы ақәҿиарақәеи аизҳазыӷьареи шәзеиӷьасшьоит.
Ҭоурыхлеи культуралеи ибеиоу Аԥсны, асуверентә ҳәынҭқаррақәа рыпринципқәа пату рықәҵареи ахатәҳәаақәҵареи шьаҭас измоу адунеизегьтәи ауаажәларраҿы иааннакыло аҭыԥ акыр иӷәӷәоуп.
Агәра ганы сыҟоуп, Шәара адәныҟатәи аусқәа рминистрс шәыҟазаара аамҭазы, Венесуелеи Аԥсни рыбжьара аимадарақәеи аиҿцәажәарақәеи шыӷәӷәахо, ҩ-ганктәи амшхәаԥштә акәзаргьы, ԥхьаҟа ишеизҳауа”.