Аԥсны Аҳәынҭқарра Адәныҟатәи аусқәа рминистрра Ареспублика Мали Адәныҟатәи аусқәа рминистрра адашшыларатә шәҟәы азынанашьҭит иҟалаз атеррористтә акт инадҳәаланы.

Анотаҟны иаҳәоит:

Аԥсны Аҳәынҭқарраҟны гәалсрыла ирыдыркылеит Ареспублика Мали аҟны иҟалаз, хара змам аҭынч уааԥсыра ирзырхахаз арыцҳара аӡбахә. Аԥсны Аҳәынҭқарра Адәныҟатәи аусқәа рминистрра атерроризм иаҿагылоит иагьақәыӡбоит. Мали иқәынхо ажәлар зегьи ҳшәыдашшылоит. Иҭахаз рыуа-рҭынха ҳрыдашшылоит, зыԥсы ҭаны еиқәхаз иаарласны ргәабзиара шьақәгылап ҳәа ҳақәгәыӷуеит.