Аахыҵ Уаԥстәылатәи Ареспублика адәныҟатәи аусқәа Рминистрра Аԥсны Аҳәынҭқарра адәныҟатәи аусқәа Рминистррахь адашшыларатә шәҟәы аарышьҭит Гал араион Папанырхәа ақыҭан иҟалаз абылра иахҟьаны ахәыҷқәа рҭахара инамаданы.
Адашшылараҿы ҷыдала иануп:
“Аԥсны Аҳәынҭқарра, Гал араион, Папанырхәа ақыҭан амцакра ду ҟалеит, уи иахҟьаны хәҩык ахәыҷқәа рыԥсҭазаара иалҵит ҳәа иҳаҳаз ажәабжь гәырҩа дула иҳадаҳкылеит. Ҷолариаа рҭаацәара зықәшәаз арыцҳара хьааны измауыз аӡәгьы дыҟам.
Ауацәеи аҭынхацәеи гәалсра дула ҳрыдашшылоит”.