Аԥсны адәныҟатәи аусқәа рминистрра Аахыҵ Уаԥстәыла адәныҟатәи аусқәа Рминистрра адныҳәаларатә шәҟәы азынанашьҭит ааҳәынҭқарратә ныҳәа – Аахыҵ Уаԥстәыла Амш азы.

Адныҳәалараҟны иҳәоуп:

«1990 шықәса цәыббра 20 аҽны аҳәынҭқарратә суверинитет азы Адекларациа адкылара хҭыс духеит Аахыҵ Уаԥстәылатәи Ареспублика азы. Ари амш символра ауеит Аахыҵ Уаԥстәыла ажәлар ракзаарази ахақәиҭреи ахьыԥшымреи рзы ргәаҳәарази.

Агәра аагоит аԥсны-аахыҵуаԥстәылатә еизыҟазаашьақәа, аиашьареи аиҩызареи шьаҭаны измоу, ԥхьаҟагьы аҿиара шроуа, ҳтәылақәа рыжәларқәа реизҳаразы».