Боливариантәи Ареспублика Венесуела Ахьыԥшымра Амш иазкны Аԥсны Аҳәынҭқарра Адәныҟатәи аусқәа рминистр и.н. Одиссеи Бигәаа Боливариантәи Ареспублика Венесуела Адәныҟатәи аусқәа рминистр Иван Хилиу Пинто адныҳәаларатә шәҟәы изишьҭит.
Ашәҟәаҿы иаҳәоит:
«Ари амш Венесуела аҭоурых аҿы акрызҵазкуаны иҟоу рыцхәуп. Иара символра азыруеит Венесуела ажәлар рхатәы ҳәынҭқарра аргыларазы иҟарҵо аҽазышәарақәа.
Аԥсны Аҳәынҭқарра ахьыԥшымра аиура иадҳәалоу аҭагәҭасрақәа бзиаҵәҟьаны издыруа, гәык ала ишәыцеиҩнашоит ари амилаҭтә ныҳәа. Агәра ганы сыҟоуп, анаҩсгьы ҳамчеилаҵала астратегиатә еиҩызареи ҳусеицуреи ирыцҵахап ҳәа. Ари ҳәарада ҳаиҩызаратә жәларқәа реизҳазыӷьараҿ ақәҿиарақәа ирышьагәыҭхоит».