Аԥсны адәныҟатәи аусқәа рминистр Сергеи Шамба Ареспублика Никарагуа адәныҟатәи аусқәа рминистр Денис Роналдо Монкада Колиндрес Аԥсны ахьыԥшымра азхаҵаразы Адекрет анапаҵаҩра 16 шықәса ахыҵразы адныҳәаларатә шәҟәы изынеишьҭит.
Адныҳәалараҟны иазгәаҭоуп:
«Цәыббра 3 2008 шықәса Аԥсны Аҳәынҭқарра аҭоурых ҿыц аҿы иҷыдоу аҭыԥ ннакылоит. Ҳара еснагь иаҳгәалашәалоит абри аҽны Ареспублика Никарагуа акоманданте Хосе Даниель Ортега Сааведреи хьаҵра зқәым никарагуатәи ажәлари Аԥсны ажәлар ишрывагылаз.
Гәахәара дула иазгәаҳҭоит ҳхьыԥшымра азхаҵареи адипломатиатә еизыҟазаашьақәа ҳабжьаҵареи раамҭа аахыс ҳҳәынҭқаррақәа активла ҩ-ганктәи аусеицура активла ишдырҿио ԥхьаҟатәи аҳәынҭқаррабжьаратә еинырра еиҳа-еиҳа ирҵауылауа.
Иуадаҩуп хаҭала шәара ҳтәылақәа рыбжьара астратегиатә партнерреи аидгылареи реизырҳаразы шәылшамҭақәа. Гәахәара дула иаҳгәалаҳаршәоит 2023 шықәса лаҵарамзазы Аԥсны шәыҟазаара.
Агәра згоит ҳаидгыланы аԥсны-никарагуатәи аимадарақәа ԥхьаҟагьы рырҿиара шҳалшо».