Иахьа иҵит 32 шықәса Аԥсны жәлар Рџьынџьтәылатә еибашьра иалагазар.

Аԥсны Адәныҟатәи аусқәа рминистрра анапхгара рхы аладырхәит 1992-1993 шықәсқәа рызтәи Аԥсны жәлар Рџьынџьтәылатә еибашьра аан иҭахаз Аҟәатәи рбаҟа аҿаԥхьа ашәҭшьҭаҵара ацеремониа.

Нанҳәа 14, 1992 шықәса рзы аихамҩа ахьчара ҿарԥас иҟаҵаны Қырҭтәыла Аҳәынҭсовет Аԥсны Аҳәынҭқарра аҵакырахь иҭалеит. Аибашьра цон 413 уахи-ҽни. Ихыркәшахеит Аԥсны ахақәиҭтәрала 1993 шықәса цәыббра 30 рзы.

Аибашьра иалаӡит зықьҩыла Аԥсны иреиӷьыз аԥацәеи аԥҳацәеи. Урҭ рыԥсҭазаарақәа ахҭынҵоуп иахьатәи ихьыԥшыму, зых иақәиҭу аԥсуа ҳәынҭқарра.