Аԥснытәи Аҳәынҭқарратә университет аҿы имҩаԥысыз аусмҩаԥгатә рхы аладырхәит Аԥсны Аҳәынҭқарра Ахада Бадра Гәынба, Киевтәи арежим ацәгьоурақәа рзы Урыстәыла адәныҟатәи аусқәа Рминистрра анапынҵа ҷыдақәа змоу ацҳаражәҳәаҩ Родион Мирошник, ауаажәларратәи аполитикатәи усзуҩцәа, аветеранцәа, арратә операциа ҷыда Аԥснытәи алахәылацәа, аибашьратә документалистцәа, ажурналистцәа, асасцәа.
Афестиваль аартраан ажәахәқәа ҟарҵеит: Аԥсны адәныҟатәи аусқәа рминистр Олег Барцыц, Аԥснытәи аҳәынҭқарратә университет аректор, академик Алеко Гәарамиа, афестиваль "RТ. Док: Ҳфырхацәа раамҭа" апродиусер Екатерина Иаковлева, «Донбасс абнатә дивизиа» акомандир Ахра Аҩӡба уҳәа егьырҭгьы.
Актәи амш азы идырбан Руслан Гусаров ифильм "Ҳаԥсы ҭазаауеит!".
Аԥсны, абҵарамза 17-18 рзы Аԥснытәи аҳәынҭқарратә университет аҿы имҩаԥысуеит Жәларбжьаратәи адокументалтә кино афестиваль "RТ.Док: Ҳфырхацәа раамҭа". Афестиваль еиҿкаауп ареспублика адәныҟатәи аусқәа Рминистрреи Урыстәылатәи Афедерациа асоциалтә программақәа рыцхырааразы Амилаҭтә фонди, Аԥснытәи Аҳәынҭқарратә университети рыдгыларала.
