Рашәарамза 17 рзы авидеоконференцеимадара аформат ала Аԥсны Аҳәынҭқарра Адәныҟатәи аусқәа рминистрраҟны иҟоу адипломат ҿарацәа Рхеилаки Приднестровиатәи Молдавиатәи Ареспублика Адәныҟатәи аусқәа рминистрраҟны иҟоу адипломат ҿарацәа Рхеилаки рыбжьара аусеицуразы Амеморандум анапаҵаҩра мҩаԥысит.
Ажәахәқәа ҟарҵеит: Приднестровиатәи Молдавиатәи Ареспубликаҿы иҟоу Аԥсны Аҳәынҭқарра азинмчы змоу ахаҭарнак Александр Ватаман, Аԥсны Аҳәынҭқарраҟны иҟоу Приднестровиатәи Молдавиатәи Ареспублика Аофициалтә Хаҭарнакра аиҳабы Гарри Кәпалба, Аԥсны Адәныҟатәи аусқәа рминистрраҟны иҟоу АҾР ахантәаҩы Асҭанда Патараиа, Приднестровиатәи Молдавиатәи Ареспублика Адәныҟатәи аусқәа рминистрраҟны иҟоу АҾР ахантәаҩы Кирилл Шидловски.
Адокумент рнапы аҵарҩит Аԥсны Адәныҟатәи аусқәа рминистрраҟны иҟоу АҾР ахантәаҩы Асҭанда Патараиеи Приднестровиатәи Молдавиатәи Ареспублика Адәныҟатәи аусқәа рминистрраҟны иҟоу АҾР ахантәаҩы Кирилл Шидловскии.
Анапы зҵаҩу Амеморандум шьаҭас иамоуп аҩ-тәылак рдипломатиатә кадр ҿарацәа рыбжьара ишиашоу аинырра аҿиара, наҟ-ааҟтәи аинтерес зҵоу азҵаарақәа рылацәажәара, аԥышәа аимдара, иара убас актуалра злоу арегионалтәи жәларбжьаратәии азҵаарақәа ирыҵаркуа еицырзеиԥшу аԥшьгарақәа аус рыдулара.