Ҳазҭоу ашықәс мшаԥы 23 азы Аԥсны Аҳәынҭқарра Адәныҟатәи аусқәа рминистр Олег Барцыци Аԥсны иҟоу Аахыҵ Уаԥстәылатәи Ареспублика аҷыдалкаатә зинмчы змоу ацҳаражәҳәаҩ Олег Боциеви реиԥылара мҩаԥысит.
Олег Боциев Олег Барцыц идиныҳәалеит Адәныҟатәи аусқәа рминистрра анапхгаҩыс иҟалара. Традициала ишьақәгылаз аԥхарреи аиҩызаратә ҟазшьалеизманы имҩаԥысуаз аиԥылараҿы Аԥсни Аахыҵ Уаԥстәылеи реизыҟазаашьақәа иахьатәи рҭагылазаашьеи урҭ рыҿиаразы иҟаҵатәу ашьаҿақәеи ирызкны аицәажәара мҩаԥысит.
Аԥсни Аахыҵ Уаԥстәылеи рҳәынҭқаррабжьаратә усеицура арӷәӷәаразы аҩ-ганкгьы хра злоу ргәаҳәара инаҵшьны иазгәарҭеит. Уи адагьы, аганқәа рылацәажәеит арегионалтәии жәларбжьаратәии амшхәаԥштә зҵаарақәа.