2024 шықәса жьҭаара 22 азы Ареспублика адәныҟатәи аусқәа рминистрра анапхгаҩы Сергеи Шамба Аԥсны иҟоу Россотрудничество Ахаҭарнакра анапхгаҩы Владислав Куликов диԥылеит. Аиԥылара далахәын Ахаҭарнакра аусзуҩ Наталиа Каиун.
Ареспублика адәныҟатәи аусқәа рминистрра анапхгаҩы Сергеи Шамба иазгәеиҭеит аминистрреи ахаҭарнакреи традициала реимабзиара, агәыӷра ааирԥшит арҭ аимадарақәа ԥхьаҟагьы аҿиара роулап ҳәа.
Куликов аминистр изеиҭеиҳәеит Ахаҭарнакра аусмҩаԥгатәқәа ртәы, насгьы зынагӡара азԥхьагәаҭоу апроектқәа ртәы.
Аганқәа рылацәажәеит аҵарадырра ахырхарҭала азҵаарақәа, хәҭакахьала, Урыстәылатәи иреиҳау аҵараиурҭақәа рҿы Аԥснытәи абитуриентцәа разыҟаҵаразы аквотақәа рыҭара.
Аиԥылараан аконструктивтә усеицура ԥхьаҟагьы аҿиара аганқәа шазыхио атәы.