2025 шықәса мшаԥы 3 азы Аԥсны Аҳәынҭқарра адәныҟатәи аусқәа рминистр Сергеи Шамбеи Приднестровиатәи Молдавиатәи Ареспублика Ахада иабжьгаҩ Павел Прокудини реиԥылара мҩаԥысит.
Павел Прокудин Аԥсныҟа дааит мшаԥы 2 рзы имҩаԥысыз Аԥсны Аҳәынҭқарра Ахадас иалырхыз Бадра Гәынба имаҵураҭыԥ аанкылара ацеремониа алахәхаразы.
Аиԥылара иалахәын аԥсуа ганахь ала Адәныҟатәи аусқәа рминистр ихаҭыԥуаҩ Одиссеи Бигәаа, Аԥсны адәныҟатәи аусқәа Рминистрра астратегиатә усеицура Адепартамент аиҳабы Џьемал Бганба. Приднестровие аганахь ала – Аԥсны Аҳәынҭқарра иҟоу Приднестровиатәи Молдавиатәи Ареспублика Аофициалтә Хаҭарнакра анапхгаҩы Гарри Кәпалба.
Аиԥылараҿы аганқәа Аԥсни Приднестровиеи русеицура аҿиара иахьатәи аҭагылазаашьеи аперспективақәеи ирылацәажәеит. Иара убасгьы арегионалтәи адунеизегьтәи амшхәаԥштәқәа ирызку азҵаарақәа ирылацәажәан.
Аиԥылара традициала иԥхоу аиҩызаратә ҭагылазаашьа аманы имҩаԥысит.