Аԥсны адәныҟатәи аусқәа рминистр Олег Барцыц усутә ныҟәарыла Москваҟа дцеит.

Аминистр напхгара зиҭо аделегациа иалоуп аминистр ихаҭыԥуаҩ Одиссеи Бигәаа, Астратегиатә усеицуразы адепартамент аиҳабы Џьамал Бганба, Аконсултә департамент аиҳабы Лаша Аҩӡба, жәларбжьаратәи аиҿкаарақәа рымадаразы Аконсултә департамент аусзуҩ еиҳабы, Адипломатцәа ҿарацәа рхеилак ахантәаҩы Асҭанда Патараиа.

Иазыԥхьагәаҭоуп Аԥсны Адәныҟатәи аусқәа рминистрра аделегациеи Урыстәыла аҳәынҭқарратә усбарҭақәа рхаҭарнакцәеи реиԥылара.