Жәабран 17 рзы, Аԥснытәи аделегациа Уаԥстәыла рыҟазаараан, Аԥсны Адәныҟатәи аусқәа рминистр Олег Барцыци Аахыҵ Уаԥстәыла Адәныҟатәи аусқәа рминистр инапынҵақәа назыгӡо Ахсар Џьиоеви реиԥылара мҩаԥысит.

Аганқәа ишьақәдырӷәӷәеит Аԥсны Аҳәынҭқарреи Аахыҵ Уаԥстәыла Ареспубликеи рыбжьара традициала аиҩызаратә еизыҟазаашьақәа рыҿиареи рырӷәӷәареи рзы аҩганк рҭахрақәа.

Аиԥылара аҳәаақәа ирҭагӡаны анапы аҵаҩын 2026-2027 шықәсқәа рзы Аԥсны Адәныҟатәи аусқәа рминистрреи Аахыҵ Уаԥстәыла Адәныҟатәи аусқәа рминистрреи рыбжьара аконсультациақәа Рыплан.

Аиԥылара ахыркәшамҭаз аминистрцәа агәаларшәагатә ҳамҭақәа еимырдеит.