Цәыббрамза 22, 2026 шықәса рзы Аԥсны Адәныҟатәи аусқәа рминистр Олег Барцыц Урыстәылатәи Афедерациахь иусуратә ныҟәараан Ихьыԥшым Аҳәынҭқаррақәа Реиҩызара аусқәеи, аҳәаанырцә инхо аџьынџьуааи, жәларбжьаратәи агуманитартә усеицуреи (Россотрудничество) рзы Афедералтә маҵзура анапхгаҩы Игор Чаика диԥылеит.
Аиԥылара иара убас рхы аладырхәит Урыстәылатәи Афедерациаҟны Аԥсны Аҳәынҭқарра Ацҳаражәҳәарҭа абжьгаҩ-ацҳаражәҳәаҩ Мадина Аҩӡԥҳаи Ацҳаражәҳәарҭа аҩбатәи амаӡаныҟәгаҩ Ренад Бениеи.
Олег Барцыц иазгәеиҭеит Россотрудничество аус ацура амҽхак ҭбаа шамоу, инаҵшьны иазгәеиҭеит Амаҵзура Аԥсны Аҳәынҭқарраҟны активла аусуреи инанагӡо аусмҩаԥгатәқәа ирымоу аҭаххареи. Хазы ахшыҩзышьҭра рыҭан арҵаратә программақәа, иара убас Аԥсны Аҳәынҭқарра аҟынтәи аспециалистцәа ҿарацәа рзы Россотрудничество ашьаҭала астажировкақәа рахысразы алшарақәа.
Игор Чаика иазгәеиҭеит ишьақәгылаз аинырра аҩаӡара ҳараки аиҩызаратә ҟазшьеи. Иара инаҵшьны иазгәеиҭеит Россотрудничество Аԥсны Аҳәынҭқарраҟны 2009 шықәса раахыс аусура шымҩаԥнаго. 2026 шықәсазы Амаҵзура аганахьала урыстәылатәи иреиҳаӡоу аҵараиурҭақәа ирҭалеит 115-ҩык Аԥсны атәылауаа.
Аиԥылараан аганқәа алацәажәеит аспециалистцәа ҿарацәа Аԥсны Аҳәынҭқаррахь рырхынҳәра ацхыраара аҭара, рҵара анхыркәшахалак ашьҭахь, рыԥсадгьыл аҿы ԥхьаҟагьы рзанааҭтә уалԥшьа анагӡаразы аҭагылазаашьақәа раԥҵара. Иара убасгьы ирыхәаԥшын иреиҳаӡоу аҵареи агуманитартә усеицуреи русхк аҟны аинырра аԥеиԥш змоу ахырхарҭақәа.
Ҷыдала ахшыҩзышьҭра аҭан Аԥсны Адәныҟатәи аусқәа рминистрра жәларбжьаратәи аренаҿы Аԥсны Аҳәынҭқарра хра злоу ахаҿы аӡыргараз имҩаԥнаго мҽхакы ҭбаалатәи аусура.
Убри инамаданы аганқәа Аԥсны АдәАРеи аҳәаанырцә иҟоу Аурыс ҩнқәеи реинырра арҭбаара аԥеиԥшқәа ирылацәажәеит, урҭ рхыԥхьаӡараҿы иҟоуп акультура-гуманитартә усмҩаԥгатәқәа реицымҩаԥгареи жәларбжьаратәи аимадарақәа рырҭбаареи Аԥсны Аҳәынҭқарра аҳәаанырцәтәи ауаажәларра дырдырреи ирызку аԥшьгарақәа рынагӡара.
Аиԥылара аиҩызаратәи аконструктивтәи атмосфера аманы имҩаԥысит. Ахыркәшамҭаз агәалашәаратә ҳамҭақәа еимырдеит.
Аиԥылара иара убас рхы аладырхәит Урыстәылатәи Афедерациаҟны Аԥсны Аҳәынҭқарра Ацҳаражәҳәарҭа абжьгаҩ-ацҳаражәҳәаҩ Мадина Аҩӡԥҳаи Ацҳаражәҳәарҭа аҩбатәи амаӡаныҟәгаҩ Ренад Бениеи.
Олег Барцыц иазгәеиҭеит Россотрудничество аус ацура амҽхак ҭбаа шамоу, инаҵшьны иазгәеиҭеит Амаҵзура Аԥсны Аҳәынҭқарраҟны активла аусуреи инанагӡо аусмҩаԥгатәқәа ирымоу аҭаххареи. Хазы ахшыҩзышьҭра рыҭан арҵаратә программақәа, иара убас Аԥсны Аҳәынҭқарра аҟынтәи аспециалистцәа ҿарацәа рзы Россотрудничество ашьаҭала астажировкақәа рахысразы алшарақәа.
Игор Чаика иазгәеиҭеит ишьақәгылаз аинырра аҩаӡара ҳараки аиҩызаратә ҟазшьеи. Иара инаҵшьны иазгәеиҭеит Россотрудничество Аԥсны Аҳәынҭқарраҟны 2009 шықәса раахыс аусура шымҩаԥнаго. 2026 шықәсазы Амаҵзура аганахьала урыстәылатәи иреиҳаӡоу аҵараиурҭақәа ирҭалеит 115-ҩык Аԥсны атәылауаа.
Аиԥылараан аганқәа алацәажәеит аспециалистцәа ҿарацәа Аԥсны Аҳәынҭқаррахь рырхынҳәра ацхыраара аҭара, рҵара анхыркәшахалак ашьҭахь, рыԥсадгьыл аҿы ԥхьаҟагьы рзанааҭтә уалԥшьа анагӡаразы аҭагылазаашьақәа раԥҵара. Иара убасгьы ирыхәаԥшын иреиҳаӡоу аҵареи агуманитартә усеицуреи русхк аҟны аинырра аԥеиԥш змоу ахырхарҭақәа.
Ҷыдала ахшыҩзышьҭра аҭан Аԥсны Адәныҟатәи аусқәа рминистрра жәларбжьаратәи аренаҿы Аԥсны Аҳәынҭқарра хра злоу ахаҿы аӡыргараз имҩаԥнаго мҽхакы ҭбаалатәи аусура.
Убри инамаданы аганқәа Аԥсны АдәАРеи аҳәаанырцә иҟоу Аурыс ҩнқәеи реинырра арҭбаара аԥеиԥшқәа ирылацәажәеит, урҭ рхыԥхьаӡараҿы иҟоуп акультура-гуманитартә усмҩаԥгатәқәа реицымҩаԥгареи жәларбжьаратәи аимадарақәа рырҭбаареи Аԥсны Аҳәынҭқарра аҳәаанырцәтәи ауаажәларра дырдырреи ирызку аԥшьгарақәа рынагӡара.
Аиԥылара аиҩызаратәи аконструктивтәи атмосфера аманы имҩаԥысит. Ахыркәшамҭаз агәалашәаратә ҳамҭақәа еимырдеит.
