Нанҳәамза 27, 2026 шықәса рзы Аԥсны адәныҟатәи аусқәа Рминистрраҿы аминистр инапынҵақәа назыгӡо, Аԥсны адәныҟатәи аусқәа рминистр ихаҭыԥуаҩ Одиссеи Бигәааи Урыстәылатәи Афедерациеи Аԥсны Аҳәынҭқарреи иҟоу Боливариантәи Ареспублика Венесуела аҷыдалкаатә Зинмчы змоу ацҳаражәҳәаҩ Хесус Рафаель Саласар Веласкеси реиԥылара мҩаԥысит.
Аиԥылара рхы аладырхәит Аԥсны АдәАР Латинтәи Америкеи, Азиеи, Азиа-Аокеанҭынчтәи арегиони Рдепартамент аиҳабы Мадина Зыхәбеи жәларбжьаратәи аиҿкаарақәа аус рыцуразы Адепартамент аиҳабы Сариа Џьопуаԥеи.
Хесус Рафаель Саласар Веласкес Аԥсны Аҳәынҭқаррахь дааиит Аԥсны Аҳәынҭқарра ахьыԥшымра азхаҵара 18 шықәса ахыҵра иазку аусмҩаԥгатәқәа рылахәхаразы.
Одиссеи Бигәаа ацҳаражәҳәаҩ иҭабуп ҳәа иеиҳәеит Аԥсны Аҳәынҭқарраҿ иҟазааразы, инаҵшьны иазгәеиҭеит аԥсны-венесуелатәи аизыҟазаашьақәа ԥхьаҟатәи рыҿиареи рырӷәӷәареи аҵак ду шрымоу.
Аиԥылараан аганқәа алацәажәеит ҩ-ганктәи аусеицура актуалтә зҵаарақәа, иара убас наҟ-ааҟтәи аинтерес зызрымоу егьырҭ азҵаарақәа.
Ҷыдала ахшыҩзышьҭра аҭан Венесуела иҟоу аҭагылазаашьа, ааигәа иҟалаз адгьылҵысра ахҟьаԥҟьақәагьы уахь иналаҵаны. Одиссеи Бигәаа венесуелатәи ажәлар дышрыдгыло иҳәеит, ааха зауз аинфраструктура иаарласны аиҭашьақәыргылареи аԥсабаратә рыцҳара ахҟьаԥҟьақәа риааиреи рзеиӷьеишьеит.
Аганқәа ишьақәдырӷәӷәеит наҟ-ааҟтәи азҿлымҳара змоу аполитикатә, аусбарҭабжьаратә, акультуратә, аекономикатә уҳәа аусхкқәа рҿы аимадарақәеи аусеицуреи ԥхьаҟатәи рыҿиара ишазыхиоу.
Иԥхоу, аиҩызаратә атмосферала имҩаԥысыз аиԥылара ахыркәшамҭаз аганқәа агәалашәаратә ҳамҭақәа еимырдеит.
Аиԥылара рхы аладырхәит Аԥсны АдәАР Латинтәи Америкеи, Азиеи, Азиа-Аокеанҭынчтәи арегиони Рдепартамент аиҳабы Мадина Зыхәбеи жәларбжьаратәи аиҿкаарақәа аус рыцуразы Адепартамент аиҳабы Сариа Џьопуаԥеи.
Хесус Рафаель Саласар Веласкес Аԥсны Аҳәынҭқаррахь дааиит Аԥсны Аҳәынҭқарра ахьыԥшымра азхаҵара 18 шықәса ахыҵра иазку аусмҩаԥгатәқәа рылахәхаразы.
Одиссеи Бигәаа ацҳаражәҳәаҩ иҭабуп ҳәа иеиҳәеит Аԥсны Аҳәынҭқарраҿ иҟазааразы, инаҵшьны иазгәеиҭеит аԥсны-венесуелатәи аизыҟазаашьақәа ԥхьаҟатәи рыҿиареи рырӷәӷәареи аҵак ду шрымоу.
Аиԥылараан аганқәа алацәажәеит ҩ-ганктәи аусеицура актуалтә зҵаарақәа, иара убас наҟ-ааҟтәи аинтерес зызрымоу егьырҭ азҵаарақәа.
Ҷыдала ахшыҩзышьҭра аҭан Венесуела иҟоу аҭагылазаашьа, ааигәа иҟалаз адгьылҵысра ахҟьаԥҟьақәагьы уахь иналаҵаны. Одиссеи Бигәаа венесуелатәи ажәлар дышрыдгыло иҳәеит, ааха зауз аинфраструктура иаарласны аиҭашьақәыргылареи аԥсабаратә рыцҳара ахҟьаԥҟьақәа риааиреи рзеиӷьеишьеит.
Аганқәа ишьақәдырӷәӷәеит наҟ-ааҟтәи азҿлымҳара змоу аполитикатә, аусбарҭабжьаратә, акультуратә, аекономикатә уҳәа аусхкқәа рҿы аимадарақәеи аусеицуреи ԥхьаҟатәи рыҿиара ишазыхиоу.
Иԥхоу, аиҩызаратә атмосферала имҩаԥысыз аиԥылара ахыркәшамҭаз аганқәа агәалашәаратә ҳамҭақәа еимырдеит.
