Аԥснытәи аделегациа Венесуела усутә визитла рыҟазаара

Аԥснытәи аделегациа Венесуела усутә визитла рыҟазаара
7 March 2017 832
Аԥсны Адәныҟатәи аусқәа рминистр Даур Ақаҩба зхадараҿы дыҟаз Аԥсны Аҳәынҭқарра аделегациа Боливариантәи Ареспублика Венесуела усутә визитла рыҟазаара аҳәаақәа ирҭагӡаны имҩаԥысит Адәныҟатәи ахәаахәҭреи аинвестициақәеи рзы аминистр Хесус Фариеи, ателекоммуникациақәа рзы аминистр Ернесто Вильегаси, Акультура аминистр Адан Чавеси рԥылара.

Уи адагьы Аԥсны Адәныҟатәи аусқәа рминистр Даур Ақаҩбеи Боливариантәи Ареспублика Венесуела Адәныҟатәи аусқәа рминистр Делс Родригес Гомеси аиԥылара рыман. Аиԥылараан иазгәаҭан Аԥсни Венесуелеи ҩ-ганлактәи аусеицуразы ԥхьаҟа алшара дуқәа рыманы иҟоуп ҳәа.

Аделегациа авизит аҳәаақәа ирҭагӡаны анапы рыҵаҩын акультура аусхк аҟны аиҳабырабжьаратә Еиқәшаҳаҭреи Аԥсны Аҳәынҭқарратә телерадиоеилахәыреи Латиноамерикатәи ателеилахәыра TeLesur-и рыбжьара Аиқәшаҳаҭра.

Иара убасгьы имҩаԥысит Боливариантәи ауниверситет аректори Аԥснытәи ауниверситет аректори реиԥылара.

Аԥсны Адәныҟатәи аусқәа рминистр Даур Ақаҩба зхадараҿы дыҟаз Аԥсны Аҳәынҭқарра аделегациа иалахәын: МКДЦ ахылаԥшратә хеилак ахантәаҩы Олег Барцыц, Аԥснытәи аҳәынҭқарратә университет аректор Алеко Гәарамиа, Аԥсны Адәныҟатәи аусқәа рминистрра аусзуҩцәа Ҭенгиз Ҭарбеи Мадина Зыхәԥҳаи.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: