Аԥсны Аҳәынҭқарра Адәныҟатәи
аусқәа рминистрра

Ministry of Foreign Affairs of the
Republic of Abkhazia

Аԥсны Адәныҟатәи аусқәа рминистрразы

Аԥсны Адәныҟатәи аусқәа рминистрра шьаҭаркын Аԥсны Иреиҳаӡоу Асовет Ақәҵарала лаҵарамза 17 1993 шықәса рзы, ақырҭуа-еибашьра анцоз аамҭазы, аԥсуа жәлар аҟазаареи аҟамзаареи ианрыбжьагылаз.

Есышықәса лаҵарамза 17 рзы Аԥсны иазгәарҭоит аԥсуа дипломатцәа рпрофессионалтә ныҳәа – Аԥсны Аҳәынҭқарра адипломаттә усзуҩ Имш.

Аекономикатә ембарго, ганрацәалатәи аҭахкаара, Қырҭтәыла аганахь ала аибашьра арҿыцраз ашәарҭара уҳәа ианраамҭаз Аԥсны Адәныҟатәи аусқәа рминистрра имҩаԥнагон адәныҟаполитикатә усура, иагьалнаршеит алҵшәа бзиақәа раарԥшра.

Еиуеиԥшым ашықәсқәа раан Аԥсны адәныҟаполитикатә усҳәарҭа напхгара арҭон: Ҭаркьыл С.Р., Џьинџьолиа С.Р., Лакербаиа Л.И., Озган К.К., Ахба И.М., Шамба С.М., Ӷәынџьиа М.Х., Чрыгба В.А.

2016 шықәса жьҭаара 4 инаркны Аԥсны Адәныҟатәи аусқәа рминистрс дыҟоуп Ақаҩба Д.В.

Аԥсуа профессионалтә дипломатиа аиҿкаара анырра ду анаҭеит адунеи аҟны еицырдыруа Урыстәыла, Америка, Франциа, Германиа, Британиа рдипломатиатә школқәеи иареи реинырра, ООН, ОБСЕ, ЕС реиԥш иҟоу жәларбжьаратәи аиҿкаарақәа аус рыцура.

Аԥсны адәныҟатә политикаҿы аԥыжәара анаҭоит:

  • атәыла ашәарҭадара аиҿкаареи аекономикатә ҿиареи;

  • жәларбжьаратәи азхаҵара алыршареи жәларбжьаратәи аиныррақәа рырҭбаареи;

  • Аԥсни Урыстәылатәи Афедерациеи реиҩызаратә еизыҟазаашьа арҿиареи арӷәӷәареи;

  • аҳәаанырцәтәи аинвестициақәа Аԥсны радыԥхьалара;

  • Аԥсны Аҳәынҭқарра атәылауаа рзинқәа аҳәаанырцә рыхьчара

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: