Абҵара 12 рзы Ареспублика Науру Ахада Барон Дивавеси Вака Аԥсны усутә визитла даҭааит.

Жәлар ракзаара Амш аныҳәа инадҳәаланы, Аԥсны Адәныҟатәи аусқәа рминистр Даур Ақаҩба адныҳәаларатә шәҟәы ишьҭит Урыстәылатәи Афедерациа Адәныҟатәи аусқәа рминистр Сергеи Лавров иахь

Аԥсны Аҳәынҭқарра Адәныҟатәи аусқәа рминистрраҟны абҵара 2 рзы имҩаԥысит Аԥсны Аҳәынҭқарра Адәныҟатәи аусқәа рминистр ихаҭыԥуаҩ Кан Ҭаниеи Аахыҵ Кавказ азы Евроеидгыла Ахаҭарнак ҷыда иполитикатә бжьагаҩ Том Триери реиԥылара.

Жьҭаара 27 2017 рзы, Қырҭтәыла аиҳабыра реилатәараан Аԥыза-министр Георги Квирикашвили аҳәамҭа ҟаиҵеит Қырҭтәыла аиҳабыра гәҭакны ишрымоу аԥсуа бызшәа аҿиареи ахьчареи рзы апрограмма ҷыда аус адулара.

2017 шықәса жьҭаара 23 рзы Боливариантәи ареспублика Венесуелаҿы иҟоу Аԥсны Аҳәынҭқарра Ацҳаражәҳәаҩ Заур Ӷәаџьаа, Паптәи анунциа Альдо Джиордано (Aldo Giordano) иҟаиҵаз анаԥхьарала, далахәын Боливариантәи Ареспублика Венесуела аккредитациа зманы иҟоу адипломатиатә миссиақәа рхадацәа реиҿцәажәара. Аиҿцәажәара мҩаԥысуан Ватикан Ацҳаражәҳәарҭаҿы.

2017 шықәса, жьҭаара 17 рзы Аԥсны Адәныҟатәи аусқәа рминистр Даур Ақаҩбеи Франциа Амилаҭтә еизара адепутат, Апартиа «Угыл, Франциа» ахада Николиа Диупон-Ениани еиԥылеит Франциа Амилаҭтә Еизаар ахыбраҿы.

Даур Ақаҩба Алеко Гәарамиа дидныҳәалеит

Аԥсны Аҳәынҭқарра Адәныҟатәи аусқәа рминистрра адышшыларатә шәҟәы  рзынарышьҭит  аинрал Уалид Ҳамди Абаза Маршьан иуацәеи иҭынхацәеи.

1999 шықәса жьҭаара 12 рзы Аԥсны Жәлар Реизара – Апарламент аҟны ирыдыркылеит «Аԥсны Аҳәынҭқарра ахьыԥшымразы» Акт.

Жьҭаара 10-11 2017 шықәса рзы Женева имҩаԥысит Аахыҵ Кавказ ашәарҭадареи аҭынчреи рзы Женеватәи аиҿцәажәарақәа 41 рраунд.

Аԥсны Адәныҟатәи аусқәа рминистрра Ареспублика Вануату Адәныҟатәи аусқәа рминистррахь адныҳәаларатә нота нанашьҭит Вануату Аконституциа амш инамаданы.

Аԥсны Адәныҟатәи аусқәа рминистрра Каталониатәи ахаҭарнык Хусам Кәыџбеи Аԥсны Адәныҟатәи аусқәа рминистр Даур Ақаҩбеи ахаша, жьҭаара 4 рзы еиԥылеит.

Приднестровиатәи Молдавиатәи Ареспублика Адәныҟатәи аусқәа рминистр Витали Игнатьеви Приднестровиатәи Молдавиатәи Ареспублика аҟны Аԥсны Аҳәынҭқарра ахаҭарнакс иҟоу Александр Ватамани реиԥылара мҩаԥысит жьҭаара 4 рзы Приднестровиатәи Молдавиатәи Ареспублика Адәныҟатәи аусқәа рминистрраҟны.

Аҧсны адәныҟатәи аусқәа рминистр Даур Ақаҩба Шьамтәыла Жәлар Рхеилак аделегациа дырҧылеит. Аиҧылара аҿы аҩганктәи аусеицура азы аперспективақәа ирылацәажәеит.

2017 шықәса жьҭаара 1 азы Каталониа Испаниа иалҵырц азы имҩаԥгаз ареферендум аҟны зыбжьы зҭииз рҟынтәи 90% ахьыԥшымраз иқәгылеит. Аԥсны Адәныҟатәи аусқәа рминистрра ари ахҭыс иацклаԥшуеит аинтерес кны.

Аԥсны Адәныҟатәи аусқәа рминистрра Тувалуҟа адныҳәаларатә шәҟәы ашьҭитАхьыԥшымра мшныҳәа ду аҳаҭыразы.

Цәыббра 30 рзы Аԥсны иазгәарҭон Аԥсны жәлар Рџьынџьтәылатә еибашьраҟны иналукааша арыцхә, Ахақәиҭтәра 24-шықәса ахыҵра. Абри амш аҽны Аԥсны Адәныҟатәи аусқәа рминистрра анапхгареи аусзуҩцәеи Ахьӡ-аԥша апарк аҟны иҟоу Амемориал аҿаԥхьа ашәҭшьыҵәрақәа шьҭарҵеит. Дара иара убасгьы иаҭааит Аԥсны раԥхьатәи Ахада Владислав Арӡынба анышә дахьамадоу ақыҭа Ешыра.

Ахаша, цәыббра 27 рзы асааҭ 14 инаркны асааҭ 16 рҟынӡа Аԥсны Адәныҟатәи аусқәа рминистрраҟны имҩаԥысуан «ишиашоу аимадара». Феисбук аҭааҩцәа рызҵаарақәа арежим онлаин ала изынарышьҭуан Аԥсны Адәныҟатәи аусқәа рминистр Даур Ақаҩба.

Аҧсны Аџьынџьтәылатә еибашьра,  аиааира амш инамаданы, аҳәаанырцәынтәи Аҧсныҟа аара иаҿуп Кавказаа рхылҵшьҭрақәа.

Аԥсны Адәныҟатәи аусқәа рминистрраҟны Аԥсны Адәныҟатәи аусқәа рминистр ихаҭыԥуаҩ Кан Ҭаниеи Аԥсны иҟоу «Амлакра иаҿагылоу аиҿкаара» (ACF) аофис ахада Ервин Блауи аиԥылара мҩаԥыргеит.