Цәыббрамза 10, 2026 шықәса рзы Ареспублика Никарагуа Адәныҟатәи аусқәа рминистрраҿы Ареспублика Никарагуа иҟоу аҷыдалкаатә Зинмчы змоу Аԥсны Аҳәынҭқарра ацҳаражәҳәаҩ Алиас Аибеи Ацҳаражәҳәарҭа абжьгаҩ-ацҳаражәҳәаҩ Наур Хышбеи Ареспублика Никарагуа Адәныҟатәи аусқәа рминистр ихаҭыԥуаҩ Иван Лареи реиԥылара мҩаԥысит.

Аиԥылараан имҩаԥысит ҩ-ганктәи аизыҟазаашьақәа рактуалтә зҵаарақәеи, иара убас аԥсны-никарагуатә еинырра ԥхьаҟатәи аҿиара аԥеиԥшқәеи рзы агәаанагарақәа реимдара.

Алиас Аиба Иван Лара ииҭеит Аԥсны адәныҟатәи аусқәа Рминистрра Адныҳәаларатә нота - Аԥсны Аҳәынҭқарреи Ареспублика Никарагуеи рыбжьара адипломатиатә еизыҟазаашьақәа шьақәгылеижьҭеи 17 шықәса аҵра инамаданы.