Цәыббра 2 азы Боливариантәи Ареспублика Венесуела иҟоу алкааҷыдеи азинмчнагӡеи змоу Аԥсны ацҳаражәҳәаҩ Заур Ӷәаџьаа Боливариантәи Ареспублика Венесуела иҟоу алкааҷыдеи азинмчнагӡеи змоу Ареспублика Виетнам ацҳаражәҳәаҩ Ле Вьет Дуена инаԥхьарала ихы алаирхәит Виетнам ахьыԥшымра 77-шықәса ахыҵраз еиҿкааз аныҳәатә уснагӡатә.
Ацеремониа мҩаԥысит Амилаҭтә Пантеон амонументалтә комплекс аҿы Боливариантәи Ареспублика Венесуела Адәныҟатәи аусқәа рминистр Карлос Рафаэль Фариа Тортоси Боливариантәи Ареспублика Венесуела иҟоу алкааҷыдеи азинмчнагӡеи змоу Ареспублика Виетнам ацҳаражәҳәаҩ Ле Вьет Дуенеи рнапхгарала.
Ауснагӡатә иалахәын Боливариантәи Ареспублика Венесуела аиҳабыра, атәылаҿ аккредитациа зҭо адипломатиатә корпус рхаҭарнакцәа, АИХқәа рхаҭарнакцәа, инаԥхьаз асасцәа.
Заур Ӷәаџьаа ихы алаирхәит Виетнам ахьыԥшымра 77-шықәса ахыҵраз еиҿкааз аныҳәатә уснагӡатә
3 September 2022 601