Ареспублика Никарагуа иҟоу Аԥсны Ацҳаражәҳәарҭаҟны Ареспублика Никарагуеи Аԥсны Аҳәынҭқарреи рыбжьара адипломатиатә еизыҟазаашьақәа шьақәгылеижьҭеи 15 шықәса аҵра иазкыз аныҳәатә дкылара мҩаԥысит цәыббра 10, 2024 шықәсазы.

Шьамтәылатәи Арабтә республикаҿы иҟоу Аԥсны Аҳәынҭқарра азинмчнагӡеи анапынҵа ҷыдақәеи змоу ацҳаражәҳәаҩ Мухаммад Али ихы алаирхәит Дамаск Саудтәи Аравиа Ацҳаражәҳәарҭа аусура аиҭахацыркраз адкылара

Аԥсны Адәныҟатәи аусқәа рминистр Сергеи Шамба адныҳәаларатә нота наишьҭит Боливариантәи Ареспублика Венесуела Адәныҟатәи аусқәа рминистр Иван Хиль иахь ҳтәылақәа рыбжьара адипломатиатә еизыҟазаашьақәа шьақәгылеижьҭеи 16-шықәса ахьҵыз инамаданы.

Аԥсны Аҳәынҭқарра Адәныҟатәи аусқәа рминистрра адныҳәаларатә шәҟәы нанашьҭит Ареспублика Никарагуа Адәныҟатәи аусқәа рминистрра ахь адипломатиатә еизыҟазаашьақәа рышьақәыргылара 15 шықәса ахыҵра инамаданы.

Адәныҟатәи аусқәа рминистр Сергеи Шамба Вальдрак Џьентск Уитакер Ареспублика Никарагуа Адәныҟатәи аусқәа рминистрс иалхра идиныҳәалеит.

Цәыббра 9 2008 шықәсазы Урыстәылеи Аԥсни рыбжьара официалла адипломатиатә еизыҟазаашьақәа шьақәыргылан.

Шьамтәыла иҟоу Аԥсны Ацҳаражәҳәарҭа аԥсуа-адыга диаспора аҟынтәи ашколхәыҷқәа рзы агәыҳалалратә усмҩаԥгатә мҩаԥнагеит. Кудсиа араион аҿы аҵарашықәс ҿыц алагамҭазы, алагарҭатәи аҽазыҟаҵаратәи аклассқәа рҿы итәоу 150-ҩык ахәыҷқәа ашколтә маҭәахәқәа рыҭан. Аԥсны ацҳаражәҳәаҩ Муҳаммад Али ахәыҷқәа рҵараҿы ақәҿиарақәеи аихьӡарақәеи рзеиӷьеишьеит.

2024 шықәса цәыббра 4 азы Аԥсны АдәА рминистр Сергеи Шамба Урыстәыла иҟоу Аԥсны ацҳаражәҳәаҩ Алхас Кәыҵниа диԥылеит.

Аахыҵ Уаԥстәыла иҟоу Аԥсны азинмчнагӡеи анапынҵа ҷыдақәеи змоу ацҳаражәҳәаҩ Алан Елбакиев Приднестровиа Молдавиатәи Ареспублика шьаҭаркуижьҭеи 34 шықәса аҵра иазкыз аофициалтә дкылара далахәын.

Цәыббра 3 азы Цхинвал, Аахыҵ Уаԥстәыла иҟоу Аԥсны азинмчнагӡеи анапынҵа ҷыдақәеи змоу ацҳаражәҳәаҩ Алан Елбакиев Цхинвал, Беслантәи арыцҳара 20 шықәса ахыҵра иазкыз ауснагӡатәқәа дрылахәын.