Сҭампыл иҟоу Урыстәылатәи Афедерациа аконсул хада Александр Калачиов иааԥхьарала Ҭырқәтәылатәи Ареспубликаҿы иҟоу Аԥсны Аҳәынҭқарра азинмчы змоу ахаҭарнак Ибрагим Аҩӡба, Аԥсны Жәлар Реизара-Апарламент адепутатцәа Рашида Аиба, Дмитри Маршьаниа, Демур Гогьиа 1941-1945 шш. Аџьынџьтәылатәи еибашьра Дуӡӡа аҿы Аиааира агара Амш 81-шықәса ахыҵра инамаданы аныҳәатә дкылара рхы аладырхәит.

Аконсульство Хада аҿы адкылара мҩаԥысит иԥханы, гәык-ԥсыкала.

Аусмҩаԥгатә амҩаԥгараан иазгәаҭан аҭоурыхтә гәалашәареи, акзаареи аицхыраареи рдоуҳаи реиқәырхара аҵак ду шамоу.