Аԥсны Аҳәынҭқарра Адәныҟатәи аусқәа рминистр Олег Барцыц Афедеративтә Республика Германиа иҟоу Аԥсны Аҳәынҭқарра азинмчы Змоу ахаҭарнак Хьыбла Амҷԥҳа лымшира лыдиныҳәалеит.

Адныҳәалараҿы  иазгәаҭоуп:

"Аԥсны Аҳәынҭқарра аинтересқәа атәыла анҭыҵ дырдырразы шәџьабаа аҵак ду амоуп. Агәра згоит шәыпрофессионализми, шәҭакԥхықәреи, шәус гәык-ԥсыкала азыҟазаареи аринахысгьы ишәыду шәнапы иану адҵақәа хра рыманы рынагӡареи Аԥсны Аҳәынҭқарра жәларбжьаратәи аимадарақәа рырӷәӷәареи ишацхраауа».

Олег Барцыц Хьыбла Амҷԥҳа илзеиӷьеишьеит амч-алша, аманшәалара, азанааҭтә усураҿы ақәҿиарақәа, аҭакзыԥхықәу адипломатиатә усхк аҟны аихьӡара ҿыцқәа.