Аиҿцәажәарақәа

Аиҿцәажәарақәа раан аиҳарак излацәажәо ҩ-ганктәии ганрацәалатәии аизыҟазаашьақәа рыпроблема дуқәа роуп. Аиҿцәажәарақәа рҟны еиқәшәо аганқәа рхатә позициақәеи изылшоны иҟоу альтернативтә вариантқәеи заа иҳәаақәырҵоит.

Аиҿцәажәарақәа х-етапкны имҩаԥысуеит:

1.                 Иарбанызаалак аган апроблема ныҭкааны анализ азнауеит, иҭнаҵаауеит адокументқәа, иазнархиоит ихымԥадатәиу аилыркаагатә материалқәа,  аделегациа алахәылацәа рзы аҟазшьарбагақәа шьақәнаргылоит, иаӡбоит егьырҭ, рацәак зҵазымкуа ҳәа иушьар алшо, аха аҵкы змоу азҵаарақәа: амаҭәаз, аҳамҭақәа у.у.е. рзы.

2.                 Аиҿцәажәарақәа рымҩаԥгара апроцесс .

3.                 Алкаақәа ранализ.

Адкылара ҟазҵо аган ахахьы иагоит  аиҿцәажәарақәа разыҟаҵара аиҿкаара: иахьымҩаԥысуа аҭыԥ, артәашьатә план, аделегациа аиҿкаара, аекспертцәагьы налаҵаны. Ари зегь мҩаԥгахоит ирыдыркыло аделегациа аилазаара анеилкаахалак ашьҭахь.

Тактикала аиҿцәажәарақәа х-варианткны рымҩаԥгара алшоит.

Актәи – аганқәа реиҿагылара аидеиа иахьыԥшуп. Асеиԥш иҟоу азнеишьа ахшыҩыркра маҷуп, алҵшәақәагьы ҟанамҵар ауеит.

Аҩбатәи авариант актәи иаҿагылоит. Аганқәа аиҩызаратә еимабзиара рымоуп. Ари авариант иахьатәи аамҭазы рацәак иуԥымлоу иреиуоуп.

Аиҳарак арационалра аманы ишьоуп ахԥатәи авариант – аганқәа наҟ-ааҟ ирзеицманшәалахаша аӡбрақәа рыԥшаара шхымԥадатәиу анеилыркаауа. Аиҿцәажәарақәа рлахәылацәа  асеиԥш иҟоу аӡбрақәа рыԥшаараан аганқәа рыҩбагьы рзы мап зцәумкыша аҭагылазаашьақәа ирышьҭоуп. Ари аҩыза азнеишьа шамахамзар алҵшәа аанашьҭуеит.  Иара иазыԥхьагәанаҭоит апартниорцәа рыбжьара агәреибагара ҳарак.

Аиҿцәажәарақәа реихшьаалақәа ранализ анаҩстәи аиныррақәа шьаҭа бзианы ирзыҟалоит. Еиҳа иналукааша апроблемақәа рзы аматериалқәа рдосие дырхиоит. Инарҵауыланы анализ рзыҟарҵоит иззеиқәымшаҳаҭхаз азҵаарақәа.

Ари аҩыза аналаиз ахыркәшаратә етап  акәны иҟоуп аиҿцәажәарақәа рзы аҳасабырба азырхиара.