Москва, Кремльтәи Ахан аҟны имҩаԥысит Урыстәылатәи Афедерациа Ахада ҿыц Владимир Путин иҭоубашьҭаҵара ацеремониа.

Владимир Путин иҭоуба анышьҭеиҵа ашьҭахь Урыстәыла Аконституциатә ӡбарҭа ахантәаҩы Валери Зорькин инапаҿы ииркит имаҵзура дшахагылаз шьақәзырӷәӷәо аҳәынҭқарратә дырга ҷыдақәа.

Аҭоубашьҭаҵара ацеремониа иалахәын асенаторцәа, Аҳәынҭқарратә Дума  адепутатцәа,
Аиҳабыра алахәылацәа, ауаажәларратә усзуҩцәа, акультура ахаҭарнакцәа, адипломатиатә миссиақәа рхадацәа.
Москва иҟоу Аԥсны Аҳәынҭқарра Ацҳаражәҳәаҩ Игор Ахба далахәын Урыстәыла Ахада иҭоубашьҭаҵара.