Шьамтәыла иҟоу Аԥсны аусқәа рзы аамҭалатәи агәрага, Шьамтәыла иҟоу Аԥсны Ацҳаражәҳәарҭа абжьгаҩ-цҳаражәҳәаҩ Муҳаммад Али лаҵарамза 28 рзы Шьамтәыла иҟоу Алада Африкатәи Ареспублика ацҳаражәҳәаҩ Барри Филлип Гилдер диԥылеит. Аиԥылара аҿы аганқәа Ацҳаражәҳәарҭақәа русеицура алшарақәа, иара убас аҩҳәынҭқаррак рыжәларқәа рыбжьара аимабзиаратә еизыҟазаашьақәа рыбжьаҵара ирыдҳәалоу азҵаарақәа ирылацәажәеит.
Иара убас, Муҳаммад Али Аԥсны адәныҟатәи аусқәа рминистр Инал Арӡынба Алада Африкатәи Ареспублика адәныҟатәи аусқәеи аусеицуреи рминистр Наледи Пандор ихьӡала иааишьҭыз асаламшәҟәы ацшаражәҳәаҩ инапыиаиркит.
Инал Арӡынба Наледи Пандор Африка Амшныҳәа идиныҳәалеит, Аԥсны Алада Африкатәи Ареспублика аҩганк рзы ифеидоу аусеицура абжьаҵара ишазҿлымҳау азгәеиҭеит.
«Агәра ганы сыҟоуп ҳҳәынҭқаррақәа рыбжьара аиҩызареи аусеицуреи рыбжьаҵара аԥсныжәлари африкатәи ажәлари гәахәарыла ишрыдыркыло», ҳәа иазгәаҭоуп ашәҟәы аҿы.