Тирасполь имҩаԥган аныҳәатә еизара

Тирасполь имҩаԥган аныҳәатә еизара
30 September 2023 684

Тирасполь имҩаԥган 1992-1993 шықәсқәа раантәи Аԥсны Жәлар Рџьынџьтәылатә еибашьраҟны аиааира 30 шықәса ахыҵра амшныҳәа иазкны агәырӷьаратә еизареи аконцерти.

Аныҳәа ааиртит Приднестровие иҟоу Аԥсны ахаҭарнак Александр Ватаман. Иара иҳәеит нанҳәа 14, 1992 шықәсазы Қырҭтәыла Аԥсны иаҿагыланы аибашьра хнартит, цәыббра 30, 1993 шықәсазы аԥсуа жәлар Аиааира ганы рыԥсадгьыл ахы иақәиҭыртәит ҳәа.

Аизара иалахәыз идырбан афильм «1992-1993 шықәсқәа раантәи Аԥсны Жәлар Рџьынџьтәылатә еибашьра 413 мшы».

Видеоеимадарала еизаз рҿаԥхьа иқәгылеит Аԥсны адәныҟатәи аусқәа рминистр Инал Арӡынба, Атәылахьчара аминистр Владимир Ануа, акультура аминистр Даур Ақаҩба.

Иара убасгьы ажәахәқәа ҟарҵеит Приднестровиа Молдавиатәи ареспублика раԥхьатәи ахада Игор Смирнов, адәныҟатәи аусқәа рминистр Витали Игнатиев.

Имҩаԥган аконцерт.

Ауснагӡатә иалахәын 300-ҩык рҟынӡа: Иреиҳаӡоу аӡбарҭа ахантәаҩы А. Пеньковски, Аконституциатә ӡбарҭа ахантәаҩы О. Кабалоев, Иреиҳаӡоу ахеилак ахантәаҩ ихаҭыԥуаҩ Г. Антиуфеева, АКХ ахантәаҩы С. Касап, ақалақьқәа Тираспольи Дубоссары рхадацәа О. Довгополи Р. Чабани, Т. Шевченко ихьӡ зху АРИ ахада С. Берил, Ауаажәларратә палата ахантәаҩы В. Ладункин, Приднестровие иҟоу Аахыҵ Уаԥстәыла ахаҭарнак В. Ианковски уҳәа назлоу.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: