Италиа иҟоу Венесуела Ацҳаражәҳәарҭаҿы Аҧсны адәныҟатәи аусқәа Рминистрра иҷыдоу анапынҵақәа рзы Ацҳаражәҳәаҩ Вито Гриттани Италиа иҟоу Венесуела Ацҳаражәҳәаҩ Хуан Родригес Диас диҧылеит.
Вито Гриттани Ацҳаражәҳәаҩ иҟаиҵаз адкылареи, иара убас Венесуела Ацҳаражәҳәарҭа адипломатиатә виза аиқәыршәареи аиуреи рҿы иҟанаҵаз ацхыраареи рзы ҭабуп ҳәа иҳәеит.
Ацҳаражәҳәаҩ Вито Гриттани Аҧсны адәныҟатәи аусқәа Рминистрра ахьӡала Венесуела аиашьаратә жәлар адгылара шаиуа азгәеиҭеит.
Иара убас, адипломат ихымҧадатәиу амедицинатә хархәагақәеи ахәшәқәеи реизгареи, анаҩс хаҭала урҭ Венесуелаҟа рнагареи рзы аҧшьгара ихахьы игеит.
Аиҧылара ахыркәшамҭаз, Вито Гриттани Аҧсны адәныҟатәи аусқәа рминистр Даур Ақаҩба ихьӡала Ацҳаражәҳәаҩ Хуан Родригес Диас салам ииҭеит.