Заур Ӷәаџьаа Венесуела, аштат Лара имҩаԥысуа Арратә хәмаррақәа -2022 "Аснаипертә рубеж" аартра далахәын

Заур Ӷәаџьаа Венесуела, аштат Лара имҩаԥысуа  Арратә хәмаррақәа -2022 "Аснаипертә рубеж"  аартра далахәын
17 August 2022 260

Нанҳәа 15, 2022 шықәсазы Боливариантәи Ареспублика Венесуела иҟоу Аԥсны Аҳәынҭқарра алкааҷыдеи азинмчнагӡеи змоу ацҳаражәҳәаҩ Заур Ӷәаџьаа Венесуела, аштат Лара имҩаԥысуа Арратә хәмаррақәа -2022 "Аснаипертә рубеж" аартра далахәын Боливариантәи Ареспублика Венесуела Адәныҟатәи аусқәа рминистрреи Атәылахьчара аминистрреи рнаԥхьарала.

Ауснагӡатә иалахәын Урыстәылатәи Афедерациа абжьгаҩ
Едуард Соколов, Ареспублика Куба абжьгаҩ Луис Гасиа, Ареспублика Беларусь абжьгаҩ Денис Логунов.

Аартра ацеремониа хацркын арратә делегациақәа рпарад ала. Иара иалахәын Аԥсны, Урыстәыла, Беларусь, Боливиа, Узбекистан, Маимара рделегациақәа. Апарад ашьҭахь венесуелатәии урыстәылатәии арҿиаратә коллективқәа рықәгылара мҩаԥган.

Ауснагӡатә аҳәаақәа ирҭагӡаны Заур Ӷәаџьаа дырԥылеит Венесуела Атәылахьчара аминистр, аинрал Владимир Падрино Лопес, аминистрра жәларбжьаратәи аусқәеи аинтеграциеи рзы адиректор хада, адмирал Мариани Индира Мата Кихада, аштат Лара агубернатор Адольфо Переира.

Аартра ацеремониа ашьҭахь Аԥсны Аҳәынҭқарра алкааҷыдеи азинмчнагӡеи змоу ацҳаражәҳәаҩ Заур Ӷәаџьааи Аԥснытәи аделегациа ахада, аполковник Александр Ачбеи егьырҭ аделегациа алахәылацәеи дырԥылеит, ирзеиӷьеишьеит аихьӡарақәа аицлабраҿы.

Иҵоуроу азхьарԥшқәа

 
 
 
X

Форма обратной связи

ФИО:
E-MAIL:
Телефон:
Ваше сообщение: