2023 шықәса хәажәкыра 9 азы Венесуела Адәныҟатәи аусқәа рминистрра анаԥхьарала Боливариантәи Ареспублика Венесуела иҟоу Аԥсны азинмчнагӡа змоу ацҳаражәҳәаҩ Заур Ӷәаџьаа далахәын афотоцәыргақәҵа "Венесуэла не угроза, Венесуэла – надежда" аартра.
Афотоцәыргақәҵа мҩаԥган Боливариантәи Ареспублика Венесуела
аҳҭнықалақь Каракас.
Ауснагӡатә напхгара арҭеит атәыла ахада ихаҭыԥуаҩ Делси Родригеси Иаку асоциалисттә партиа (PSUV) ахантәаҩы Диосдадо Кабельои.
Анаҩс, С. Боливар Иашҭаҿы имҩаԥган аимпериализм иаҿагылоз аконференциа. Ажәахәқәа ҟарҵеит: Ареспублика Еквадор уаанӡатәи ахада Рафаэль Корреа, PSUV ахантәаҩы Диосдадо Кабельо, Амилаҭтә Ассамблеиа ахада Хорхе Родригес.
Ауснагӡатә далахәын Адәныҟатәи аусқәа рминистр Иван Хиль, Европа аусқәа рзы аминистр ихаҭыԥуаҩ Франклин Рамирес, Венесуела аккредитациа змоу адипломатиатә корпус, асасцәа, АИХ ахаҭарнакцәа.
