Аԥснытәи Аҳәынҭқарратә усбарҭа «Аԥсуа ҳәынҭқарратә телерадиоеилахәыра» иахьа иналукааша аныҳәамш азгәанаҭоит. 40 шықәса – имаҷым ари аамҭа. Уаҩытәыҩсатә ԥсҭазаарак иаҟароу, зхатә ҭоурых беиа зымҽхазкхьоу, иара убри аамҭазгьы акыр шықәса лаша заԥхьаҟа иззыԥшу уалԥшьа дууп.
Аԥсуа телерадиоеилахәыра – 40 шықәса раԥхьа ателербагаҟынтә аԥсышәала ҳбызшәа ахьықәнаҩыз, иахьагьы қәҿиаралаҵәҟьа ҳбызшәа ҳауаажәлар иднарҳауеит. Ҳбызшәа аԥшӡареи абеиареи иӡырнагоушәоуп ахьхьаҳәа ишықәыҩуа.
Ателехәаԥшрантә адырра ажәлар рызнагара – имариам усуп. Уи иаҵоу аџьеи акәамаҵамареи акыр ирацәоуп, уи ус шакәу мҩашьарада агәра аагоит.
Шәнапынҵа ду аҿы гәык-ԥсык ала ишәзеиӷьасшьоит аилибакаара, аусуратә гәаҳәара ду, аидгылара, иара убас ҳажәлар ирызнажәго адырраҭарақәа зегьы ҳтәыла жәлар рыбзиареи реизҳазыӷьареи ирызкызааит! Шәусура еиԥкра ақәымзааит!