Абҵара 13 азы Урыстәылатәи Афедерациаҟны Аԥсны Аҳәынҭқарра Ацҳаражәҳәарҭа ашьаҭаркразы Аусԥҟа анапаҵаҩра 15 шықәса ахыҵит.

Адокумент инапы аҵеиҩит Аԥсны ахада С.В. Багаԥшь.

Аԥсни Урыстәылеи рыбжьара аизыҟазаашьақәа рырҿиаразы ари шьаҿа дуун.

Урыстәылатәи Афедерациаҿы иҟоу Аԥсны Аҳәынҭқарра Ацҳаражәҳәарҭа Аԥсны жәларбжьаратәи аимадарақәа рырҭбаара арӷәӷәара аус аҿы аҵакы змоу дипломатиатә миссиоуп.

Агәрагара ҳамоуп Ацҳаражәҳәарҭа аколлектив аусура ганрацәала ҳтәылақәа русеицура ишацхраауа.