2023 шықәса нанҳәа 5-6 рзы Никарагуа аҳҭнықалақь Манагуа аҟны имҩаԥысуз аҟазареи, акультуреи, афатәаалыҵқәеи рфестиваль иалахәын 40 ҳәынҭқарра инареиҳаны.
Никарагуа иҟоу Аԥсны Ацҳаражәҳәарҭа Манагуа имҩаԥысуаз акультуреи, аҟазареи, афатәаалыҵқәеи Жәларбжьаратәи рфестиваль ҩынтәуп ахы аланархәуеижьҭеи.
Аԥсуа павилион аҭааҩцәа алшара рыман, аԥсуа милаҭтә музыка азыӡырҩра, авидеороликқәа рҟынтәи Аԥсны иазку аинформациа аиура, аԥсуаа рыхаақәеи ажьаӷь уаҭкеи ргьама абара.
Афестиваль иаҭааз рҟынтә ирацәаҩуп Аԥсны акультуреи аҵасқәеи ирызҿлымҳаны Аԥсуа павилион ахь инеиз. Аӡәырҩы агәаҳәара аадырԥшит ҳтәыла аҭааразы.
